Սիմոնյանը ներկայացրել է, թե ինչպես են Իրանում ապրում հայկական ծագում ունեցող ռուսաստանցիները

© SputnikГабриель Тикиджян
Габриель Тикиджян - Sputnik Արմենիա
Բաժանորդագրվեք
Մարգարիտա Սիմոնյանն անդրադարձել է այն թեմային, թե ինչպես են Իրանում ապրում հայկական ազգանուններով ռուս գաղթականները։

ԵՐԵՎԱՆ, 13 դեկտեմբերի — Sputnik. Russia Today–ի գլխավոր խմբագիր Մարգարիտա Սիմոնյանը ֆեյսբուքյան իր էջում մի տեսահոլովակ է հրապարակել` հայկական ազգանուն ունեցող ռուսաստանցիների մասին, որոնք Իրանում են բնակվում։

«Մեր իրանական պատմությունների շարունակությունը։ Հիմա Պարսկաստանի ռուս գաղթականների մասին», – մեկնաբանել է տեսանյութը Սիմոնյանը։

Տեսանյութում նշվում է, որ շատերը լքել են Ռուսական կայսրությունը հեղափոխությունից հետո, և ոմանք Իրանում նոր կյանք են սկսել։ Տեսանյութի հերոսներ` Աննա Ասսիրյանցն ու Գաբրիել Տիկիջյանը երբեք Ռուսաստանում չեն եղել, բայց հոգով ռուսաստանցի են մնում։

«Հայրս կոշկակար էր… Ծնողներս միշտ մտածում էին վերադառնալու մասին», –պատմում է հերոսուհիներից Աննա Ասսիրյանցը։

Գաբրիել Տիկիջյանի հայրը նույնպես Ռուսաստանից է Իրան տեղափոխվել։

«Երեք գործարան ունեինք, բայց բոլորը վերցրեցին։ Մայրս հայ էր, շատ լավ էր պատրաստում», – պատմում է նա։ Գաբրիելը նաև ընդգծում է, որ նա ռուսերենով Չեխովի գրքերի մոտ 12 հատոր ունի։

Ռուսները դարերով Իրանում են ապրում։ Սակայն միգրացիայի առաջին զանգվածային ալիքը սկսվել է միայն 1920 թվականին, երբ հարյուր հազարավոր սպիտակ գաղթականներ փրկվում էին բոլշևիկներից։ Նրանց մեծ մասը հիմնավորվել են երկրի հյուսիսային գավառներում, նաև հյուսիս–արևմուտքում, որտեղ նրանց հետնորդների համայնքներն ապրում են մինչ օրս։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала