ԵՐԵՎԱՆ, 16 դեկտեմբերի — Sputnik. Ինչի՞ց է պետք խուսափել, ինչի՞ն ուշադրություն դարձնել ու ինչպիսի՞ միտումներն են գերակշռելու այս շաբաթ։ Sputnik Գրուզիայի սյունակագիր Միխայիլ Ցագարելին կարծում է, որ այս շաբաթը կլինի Նորալուսնի (դեկտեմբերի 18) ազդեցության տակ։
Նորալուսինն այնպիսի աստղագիտական իրադարձություն է, երբ Արևն ու Լուսինը մոտենում են Աղեղնավորի նշանին։ Բնականաբար, նրանց մոտիկությունը լարվածություն է ստեղծում։ Այդ պատճառով շատ զգույշ պետք լինել Նորալուսնի օրը` եկող երկուշաբթի։ Այդ օրն ավելանում է ավտովթարների թիվը, տարատեսակ վնասվածքների վտանգ է ի հայտ գալիս, մարդիկ դառնում են ավելի նյարդային ու կռվարար։
Հենց այդ պատճառով Նորալուսնի օրն ավելի լավ է նոր գործեր չնախաձեռնել։ Պետք է նախապատվություն տալ առօրյա գործերին։ Ցանկալի է հետաձգել կարևոր բանակցություններն ու պայմանագրերի ստորագրումը։ Այդ օրը պետք է աշխատել առավելագույնս հարմարավետ անցկացնել։
Հատկապես ուշադիր պետք է լինեն այն մարդիկ, որոնք վրա ազդում են եղանակային փոփոխությունները։ Եթե դուք սրտի ու սրտանոթային համակարգի խնդիրներ ունեք, ապա Նորալուսնի օրը ևս պետք է ուշադիր լինեք։ Պետք է խուսափել գերբեռնվածությունից՝ առողջությունը չվնասելու համար։
Սա շատ կարևոր շրջան է, քանի որ փաստացի դեկտեմբերի 21-ին ձմեռային արևադարձն է։ Նշանակում է, որ արևի զարգացման բնական շրջանն ավարտվել է։ Տիեզերական Նոր տարին մեկնարկում է դեկտեմբերի 23-ին և ոչ թե հունվարի 1-ին ։ Այդ պատճառով կարևոր է հասցնել գործերն ավարտել մինչ տիեզերական տարվա վերջը, որպեսզի տարին դրական հույզերով դիմավորեք։
Կարևոր այլ պահ էլ կա. դեկտեմբերի 20-ին Սատուրնը, իսկ դեկտեմբերի 22-ին Արևը լինելու են Այծեղջյուրի նշանի տակ։ Երկրի կենսոլորտի վիճակն անկայուն է լինելու, ինչը կարող է շփման ու միմյանց հասկանալու խնդիրներ ստեղծել։ Կարող են որոշակի խնդիրներ ծագել ինչպես միջազգային ասպարեզում, այնպես էլ բիզնեսի ոլորտում։
Մերկուրի մոլորակը մարդկանց հարաբերությունների բարելավում ու ավելի մեծ փոխըմբռնում կապահովի դեկտեմբերի 23-ից հետո։ Մարդկանց բախտն ավելի շատ կբերի ճանապարհորդությունների հարցում, ավելի հեշտ կլինի պայմանագրեր ստորագրել։
