ԵՐԵՎԱՆ, 19 դեկտեմբերի — Sputnik. Ադրբեջանական ԶԼՄ-ների ուշադրության կենտրոնում է հայտնվել լուրը, թե այս օրերին Հայաստանում են արաբ շեյխեր՝ իրենց որդիների հետ։ Նրանց թվում է Աբու Դաբիի արքայազնը՝ ԱՄԷ-ում ամենաազդեցիկ մարդկանցից մեկը՝ շեյխ Զայդ ալ Նահայտնի ավագ որդին։ Այս մասին գրում է «Հայկական ժամանակը»։
«Նշվում է, որ Շեյխերին հյուրընկալել է Գագիկ Ծառուկյանը, և այցը ընկերական բնույթ է կրում. շեյխերը, կարծես թե, Հայաստանում են երկրին ծանոթանալու նպատակով։
Միաժամանակ անհանգիստ ակնարկ կա այն մասին, որ այցի նպատակներից մեկն էլ կարող է լինել Հայաստանում տնտեսական ներդրումները։ Վերջում էլ հավելում կա, թե այդ մասին առայժմ հրապարակային ոչինչ չի հայտարարվում»,- գրում է թերթը:
