Հենոյի մասին խիստ է խոսել լեգենդար Ֆիլ Նևիլը. Ժոզեին անհատականություններ են պետք

Ժոզե Մոուրինյոյի հասցեին հնչած քննադատությունները լեգենդար ֆուտբոլիստ Ֆիլ Նևիլը անհիմն է համարում։ Մխիթարյանը, նրա կարծիքով, Մանչեսթերում տապալվել է։

ԵՐԵՎԱՆ, 20 դեկտեմբերի — Sputnik. Հենրիխ Մխիթարյանի բախտը բերեց, երբ հայտնվեց «Մանչեսթեր Յունայթեդում», բայց նա չկարողացավ Մոուրինյոյի առաջադրած խնդիրը կատարել, կարծում է «ՄՅ»-ի լեգենդ Ֆիլ Նևիլը։ Այս մասին գրում է Daily Star-ը։

«Մոուրինյոյին շատ են քննադատում Մխիթարյանի նկատմամբ ունեցած վերաբերմունքի համար, բայց ակնհայտ է, որ Մխիթարյանը չի համապատասխանում։ Նա ոչ թե զոհ է, այլ երջանիկ մարդ. նրա բախտը բերել է «Մանչեսթեր Յունայթեդում» խաղալու համար», — ասել է Նևիլը։

Футбол. Лига чемпионов. Матч ЦСКА - Манчестер Юнайтед - Sputnik Արմենիա
«Բորուսիան» Հենոյի համար կպայքարի «Ինտերի» հետ

Լեգենդար ֆուտբոլիստը նաև հայտնել է, որ Ալեքս Ֆերգյուսոնի օրոք (ՄՅ նախկին գլխավոր մարզիչ — խմբ.) ես թիմում չէի խաղա, եթե արդյունք չտայի։

«Մարդիկ պետք է դադարեն «սենտիմենտալություն դրսևորել» Մխիթարյանի թեմայով։ Եթե դուք չեք խաղում, թիմում չպետք է լինեք։ Մոուրինյոն անձնական ոչինչ չունի, սա բիզնես է», — եզրափակել է Ֆիլ Նևիլը։

Վերջին ժամանակաշրջանում հայ ֆուտբոլիստ Հենրիխ Մխիթարյանը լուրջ խնդիրներ ունի ակումբում ։ Վերջին անգամ 28-ամյա կիսապաշտպանը «ՄՅ»-ի կազմում խաղացել է նոյեմբերի 25-ին «Բրայթոնի» հետ խաղում (1:0)։ Ավելի վաղ ԶԼՄ-ներում տեղեկություն էր հայտնվել այն մասին, որ հենրիխը կարող է վերադառնալ Դորտմունդի «Բորուսիա»։ Նրանով հետաքրքրվել է նաև Միլանի «Ինտերը»։

Անգլիական ակումբը պատրաստ է հրաժարվել Մխիթարյանից 35 մլն ֆունտ ստեռլինգի դիմաց։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала