ԵՐԵՎԱՆ, 22 դեկտեմբերի — Sputnik. Թուրքիայի նախագահ Ռեջեփ Թայիփ Էրդողանն Twitter-ի իր պաշտոնական էջում շնորհակալություն է հայտնել բոլոր այն երկրներին, որոնք ՄԱԿ-ի Գլխավոր ասամբլեայում Երուսաղեմի կարգավիճակը չճանաչող բանաձևի ընդունման են աջակցել։
Մեկնաբանություններում նա նաև նշել է, որ Թուրքիան սպասում է ԱՄՆ նախագահ Դոնալդ Թրամփի դիրքորոշման փոփոխությանը:
«Իմ և թուրք ժողովրդի անունից շնորհակալություն եմ հայտնում բոլոր նրանց, ովքեր աջակցել են Պաղեստինին»,– գրել է Էրդողանը:
Kudüslü Muhammed kardeşim ile dünyaya mesajımız şudur:
— Recep Tayyip Erdoğan (@RT_Erdogan) 21 декабря 2017 г.
"Kudüs, kırmızı çizgimizdir." pic.twitter.com/M0dg1Skl2S
Էրդողանը Թրամփի՝ Երուսաղեմն Իսրայելի մայրաքաղաք ճանաչելու որոշումն անվանել է տխրահռչակ ու անօրինական:
Հիշեցնենք, որ երեկ ՄԱԿ-ի Գլխավոր ասամբլեան բանաձև է ընդունել, որով չի ընդունում Երուսաղեմն Իսրայելի մայրաքաղաք հայտարարելու վերաբերյալ ԱՄՆ-ի որոշումը: Բանաձևի օգտին քվեարկել է 128 երկիր, դեմ է հանդես եկել 9 երկիր, ևս 35-ը ձեռնպահ է մնացել: Հայաստանը կողմ է քվեարկել բանաձին։
Դոնալդ Թրամփը հայտարարել է, որ ԱՄՆ-ն կդադարեցնի ֆինօգնությունը այն երկրներին, որոնք կողմ կքվեարկեն բանաձևին:
Ընդունված փաստաթղթի համաձայն՝ «ցանկացած գործողություն և որոշում, որը նախատեսում է Երուսաղեմի կարգավիճակի փոփոխություն, իրավաբանական ուժ չի ունենա և պետք է չեղարկվի»:
ԱՄՆ նախագահ Դոնալդ Թրամփը Երուսաղեմի կարգավիճակի շուրջ հայտարարությամբ հանդես էր եկել դեկտեմբերի 6–ին, որից հետո զանգվածային բախումներ էին տեղի ունեցել Պաղեստինի և Իսրայելի կողմնակիցների միջև:
