ԵՐԵՎԱՆ, 26 դեկտեմբերի — Sputnik. Ադրբեջանի պաշտպանության նախկին նախարար Ռահիմ Ղազիևին երեկ`դեկտեմբերի 25-ին, ձերբակալվել են Բաքվի քաղաքային այգիներից մեկում, հաղորդում են ադրբեջանական լրատվամիջոցները։
Ղազիևի ձերբակալության մասին հայտնել է նրա եղբայրը՝ Ռահաբ Ղազիևը: Նա նշել է, որ իրեն դեռևս չեն հայտնել եղբոր ձերբակալության պատճառը։ Ռահաբ Ղազիևը ձերբակալության մասին զանգը ստանալուց հետո շտապել է ոստիկանական բաժանմունք, սակայն նրան ասել են, որ ներկայանա դեկտեմբերի 26-ի առավոտյան:
Ադրբեջանի իրավապահ մարմինները դեռ չեն տարածել նախկին նախարարի ձերբակալության մասին հաղորդագրություն:
Ղազիևն Ադրբեջանի պաշտպանության նախարարն է եղել 1992-1993 թվականներին և մեղադրվել է ադրբեջանական դատարանի կողմից Արցախի Շուշի քաղաքը «թշնամուն հանձնելու» համար, ինչը որակվել է որպես պատերազմական հանցանք: Ղազիևին դատապարտել էին մահապատժի, ավելի ուշ վճիռը փոխարինվել է ցմահ ազատազրկմամբ: 2005 թվականին նախկին նախարարը համաներման է արժանացել:
