ԵՐԵՎԱՆ, 26 դեկտեմբերի — Sputnik. Աշխաբադ–Երևան առաջին ուղիղ չվերթը կկայանա վաղը` դեկտեմբերի 27–ին։ Այս մասին լրագրողներին ասել է Հայաստանի կառավարությանն առընթեր քաղավիացիայի գլխավոր վարչության պետ Սերգեյ Ավետիսյանը։
«Վաղը` օրվա առաջին կեսին, կկայան Երևան–Աշխաբադ թռիչքը»,–ասել է Ավետիսյանը։
Նրա խոսքով` Երևանից գնացած ինքնաթիռը կշարունակի իր թռիչքը դեպի Ֆրանկֆուրտ։
Այնտեղից կվերադառնա Երևան, ապա կրկին` Աշխաբադ։
Այս չվերթը կիրագործվի շաբաթը մեկ անգամ պարբերականությամբ։ Եթե անհրաժեշտություն առաջանա` թռիչքների քանակը կավելացնեն։
