4 միլիոն վարկ` հանուն խնայողության. որպեսզի Երևանն ավելի քիչ էլեկտրաէներգիա սպառի

© Sputnik / Aram NersesyanУлица Туманяна, Ереван
Улица Туманяна, Ереван - Sputnik Արմենիա
Բաժանորդագրվեք
2018թ.–ին Երևանի քաղաքապետարանը նախատեսում է կրճատել մայրաքաղաքում սպառվող էլեկտրաէներգիան ու դրա դիմաց վճարվող գումարները։

ԵՐԵՎԱՆ, 27 դեկտեմբերի — Sputnik, Նելլի Դանիելյան. Մայրաքաղաք մտնող ավտոճանապարհներն ու քաղաքի 8 փողոցները 2018թ–ին կլուսավորվեն էներգախնայողական LED լամպերով։ Sputnik Արմենիայի հետ զրույցում հայտնել է Երևանի փոխքաղաքապետ Վահե Նիկոյանը։

«Նախատեսվում է բոլոր լամպերը փոխել էներգախնայողներով, փոխարինել բոլոր հին հենասյուները և վերգետնյա բոլոր մալուխներն անցկացնել ստորգետնյա ճանապարհով»,– ասել է նա։

Այս ծրագրի ընդհանուր արժեքն, ըստ Նիկոյանի, 7մլն եվրո է, որից 4 մլն–ը վարկ է, 3-ը` գրանտ։ Գումարը հատկացրել է Վերակառուցման և զարգացման եվրոպական բանկը։

Ваге Никоян - Sputnik Արմենիա
ՌԱԴԻՈ
Նիկոյան. «Պարտավորվում ենք լուծել աղբանոցում աշխատողների սոցիալական խնդիրը»

«2018թ–ի հունվարին քաղաքապետարանը կամփոփի հայտարարված մրցույթի արդյունքները, կմշակվի աշխատանքային գրաֆիկ և աշխատանքները կմեկնարկեն»,– ասաց փոխքաղաքապետը։

2018–ին նախանշված մեկ այլ էներգախնայողական ծրագիր էլ վերաբերում է բազմաբնակարան շենքերին։ ՄԱԿ–ի հետ համատեղ իրականացվող այս ծրագրով նախատեսվում է երևանյան 100 շենքերի տանիքներին արևային վահանակներ տեղադրել։

Դրանց կմիացվեն վերելակներն ու շենքերի մուտքերի լուսավորությունը։ Քաղաքապետարանում համոզված են, որ դա թույլ կտա մեծապես թեթևացնել բնակիչների ու համատիրությունների էներգետիկ ծախսերը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала