ԵՐԵՎԱՆ, 27 դեկտեմբերի — Sputnik. «Աշխարհի Միսս Diamond-2017» մրցույթն այս տարի ավարտվել է սկանդալով։ Հայուհի Արսինե Միսիրյանին զրկել են 1–ին վիցեմիսս տիտղոսից։ Այս մասին գրում է «Կոմսովոլսկայա պրավդա. Ռոստով նա Դոնու» կայքը։
Օրեր առաջ Վրաստանում անցկացված մրցույթի ժամանակ այս տիտղոսը տրվել էր Արսինե Միսիրյանին, բայց հետո պարզվել էր, որ «տեխնիկական խնդիրների» պատճառով ներկայացուցիչների միավորները սխալ են հաշվել։
Այս ամենը բացահայտվել է հանդիսավոր արարողությունից հետո։
Տհաճ միջադեպի պատճառով կազմակերպիչները ստիպված են եղել կրկին պարգևատրման արարողություն իրականացնել։
