ԵՐԵՎԱՆ, 27 դեկտեմբերի — Sputnik. Բարբադոսում սպանել են երգչուհի Ռիհաննայի ոչ հարազատ եղբորը` 21 տարեկան Թեյվոն Քեյսին Ալեյնին։ Այս մասին հայտնում է Daily Mail-ը։
Պարբերականի տվյալով` երիտասարդը տեղական ժամանակով ժամը յոթին զբոսնել է Սենտ Մայքլ շրջանում, նրան մի տղամարդ է մոտեցել ու մի քանի կրակոց արձակել։
ԶԼՄ-ները գրում են, որ Ռիհաննան վերջին անգամ եղբորը տեսել է Ծննդյան տոնի գիշերը` դեկտեմբերի 25-ին։
«Չեմ կարողանում հավատալ, որ վերջին անգամ էի գրկել նրան, զգացել նրա մարմնի ջերմությունը»,- Instagram-ի իր էջում գրել է երգչուհին։
Սպանության պատճառները չեն նշվում։