ԵՐԵՎԱՆ, 28 դեկտեմբերի — Sputnik. Չեխերի հետ անհաջող խաղից հետո, Փոլադյանը զրուցել է միայն ծնողների հետ, նրանք մարզիկին բարոյական աջակցություն են ցուցաբերել։ Այս մասին Ռուսաստանի հոկեյի երիտասարդ հավաքականի հարձակվող Ալեքսեյ Փոլադյանը ասել է Спорт Экспресс սպորտային պորտալին տված հարցազրույցում։
«Խաղը քննարկել եմ միայն ծնողներիս հետ։ Նրանք աջակցեցին ինձ», – ասել է խոստումնալից հոկեյիստը։
Թեև Փոլադյանը տափօղակն ուղարկել է դարպասը չեխերի դեմ հոկեյի աշխարհի երիտասարդական առաջնության մեկնարկային խաղում, սակայն չի կարողացել թիմին տանել հաղթանակի։ Արդյունքում Ռուսաստանի հավաքականը Չեխերի հետ խաղում պարտվել է 5:4 հաշվով։
«Սա առաջին խաղն էր։ Դեռևս լավ թիմային խաղ չկար։ Աստիճանաբար կհարմարվենք և մրցաշարի ընթացքում կավելացնենք տեմպը», – նշել է հոկեյիստը։
Շվեդիայի հավաքականի հետ առաջիկա խաղից Փոլադյանը մեծ ակնկալիքներ ունի։ Միևնույն ժամանակ մարզիկը խոստովանում է, որ բոլոր հավաքականները, որոնք ժամանել են աշխարհի առաջնությանը, տարբերվում են գերազանց խաղով։
«Այստեղ բոլոր թիմերն են լավը։ Այնպես որ, փորձելու ենք ապացուցել, որ լավագույններից ենք», – ասել է Փոլադյանը։
Աշխարհի առաջնությունում Ռուսաստանի երիտասարդական հավաքականի կազմում երեք հայ է խաղում` հարձակվողներ Արտյոմ Մանուկյանը, Ալեքսեյ Փոլադյանն ու Անդրեյ Ալտիբարմակյանը։
