Фон для радио  - Sputnik Արմենիա
ՌԱԴԻՈ

Էստուկյան. «Գյուլենականների հետ կապ ունենալու մեղադրանքով Թուրքիայում հազարավոր մարդիկ են ձերբակալվել»

© AFP 2022 / OZAN KOSEБаграт Эстукян
Баграт Эстукян - Sputnik Արմենիա
Բաժանորդագրվեք
Yandex newsTelegram
Անկարայի Հաճիտպետի համալսարանում այսօր վաղ առավոտյան ոստիկանությունը զանգվածային ձերբակալություններ է իրականացրել։ Բերման է ենթարկվել համալսարանի 23 դասախոս, որոնցից 4-ը գիտական անձնակազմի անդամներ են, մյուսները` հրավիրված դասախոսներ։
Բագրատ Էստուկյան

«Ակոս» թերթի հայկական բաժնի խմբագրապետ Բագրատ Էստուկյանը Sputnik Արմենիայի հետ զրույցում հաստատեց այս լուրը` ասելով, որ նրանց ձերբակալել են գյուլենականների հետ կապ ունենալու մեղադրանքով։

«Դատախազներ, դատավորներ, համալսարանների դասախոսներ, ոստիկաններ, զինվորականներ, բարձրաստիճան սպաներ այս մեղադրանքով արդեն բանտերում են։ Թուրքիայում ընդունված է այն ահաբեկչական կազմակերպություն համարել։ Եվ այդ կազմակերպությանն անդամակցող կամ համակիր անձինք բանտարկվում են։ Շատ մեծ թվով մարդիկ հեռացվել են աշխատանքից` ուսուցիչներ, դասախոսներ, ովքեր կասկածվում են այդ կազմակերպության հետ ունեցած կապերի մեջ»,– ասում է Էստուկյանը։

Բագրատ Էստուկյանը հիշեցնում է, որ վերջին 1 տարվա ընթացքում գյուլենականների հետ կապ ունենալու մեղադրանքով Թուրքիայում հազարավոր մարդիկ են ձերբակալվել։

Լրահոս
0