Խանդել է ու կրակել. Լիպեցկում դատել են հայ համայնքի ղեկավարի որդուն

© Sputnik / Евгений Биятов / Անցնել ֆոտոբանկСотрудники правоохранительных органов
Сотрудники правоохранительных органов - Sputnik Արմենիա
Սերգեյ Ղազարյանը կրակել է ոմն Մերկանյանի, որն անտարբեր չի եղել հայ համայնքի ղեկավարի որդու կնոջ նկատմամբ։

ԵՐԵՎԱՆ, 28 դեկտեմբերի — Sputnik. Լիպեցկի հայ համայնքի ղեկավարի որդուն դատապարտել են 2.5 տարվա ազատազրկման` խանդի հողի վրա զինված հարձակում գործելու համար, հաղորդում է Gorod48-ը։

Պարբերականի տվյալով` հունիսի 1-ի երեկոյան Լիպեցկի Վորոշիլովի փողոցում 28-ամյա տղամարդը հրազենային վնասվածք է ստացել որովայնի շրջանում։ Կրակողը փախել է ավտոմեքենայով։ ՃՏՊ աշխատակիցները Լենինո գյուղի ճանապարհին կանգնեցրել են «Լադա Պրիորա» ավտոմեքենան, իսկ նրա վարորդին և ուղևորին (երկուսն էլ 21 տարեկան) բերման են ենթարկել ՌԴ ՆԳՆ Լիպեցկի վարչություն։

Смартфон - Sputnik Արմենիա
Բրիտանացին ինքնասպան է եղել ուղիղ եթերում

Ոստիկանությունը ձերբակալել է «Լադայի» ուղևոր Սերգեյ Ղազարովին` Լիպեցկի հայ համայնքի նախագահ Ազատ Ղազարովի որդուն։ Ավելի ուշ Լիպեցկի շրջանային դատարանը տուժածի առողջությանը ծանր վնաս հասցնելու կասկածանքով երկու ամսով ձերբակալել է հրաձիգին։ Հետաքննության տվյալներով` Սերգեյ Ղազարովին դուր չի եկել ոմն Մերկայանի` նրա կնոջ նկատմամբ ցուցաբերած ուշադրությունը, ինչի հետևանքով էլ վիճաբանություն է ծագել։ Արդյունքում Մերկայանը որովայնի շրջանում հրազենային վնասվածքով և ազդրի կոտրվածքով տեղափոխվել է հիվանդանոց։

Ղազարովին մեղադրանք են առաջադրել ՌԴ ՔՕ 222 հոդվածի 1-ին մասով (զենք, զինամթերքի անօրինական ձեռքբերում, պահպանում, տեղափոխում և կրում) և ՌԴ ՔՕ 111 հոդվածի 2-րդ մասով (զենքի կիրառմամբ դիտավորյալ ծանր վնաս հասցնել առողջությանը, որը վտանգավոր է մարդու կյանքի համար)

Ավելի ուշ պետական մեղադրող Ռոման Օզդոևը փոխել է մեղադրանքը այն մեղմացնելու ուղղությամբ։ Դատախազության ներկայացուցիչը խնդրել է մեղադրյալի վրայից հանել անօրինական զենք և զինամթերք ձեռք բերելու մեղադրանքը։

Դատարանն ընդառաջել է պետական մեղադրողին։ Սերգեյ Ղազարովը համաձայնել է առաջադրված մեղադրանքի հետ` ընդունելով մեղքը։

Դատարանը Սերգեյ Ղազարովին դատապարտել է 2 տարի 6 ամիս ազատազրկման։ Նա պատիժը պետք է կրի ընդհանուր ռեժիմի քրեակատարողական հիմնարկում։ Դատարանը չեղյալ է հայտարարել պայմանական դատապարտումը և ամբաստանյալի մեղադրանքներին միացրել կայազորային ռազմական դատարանի վճռով սահմանված պատիժը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала