Վահե Նիկոյան
Երևանի քաղաքապետարանը տրանսպորտի սակագնի թանկացման հարցը չի քննարկել։ Այս մասին Sputnik Արմենիայի հետ զրույցում ասաց փոխքաղաքապետ Վահե Նիկոյանը։
«Կարծում եմ` մինչև հիմա էլ տրանսպորտային ծախսերի վրա շատ ազդեցություններ եղել են, բայց մենք բոլորս հասկանում ենք, որ տրանսպորտը դրանցից կախված չի թանկացել»,- ասել է Նիկոյանը` նկատի ունենալով դիզելային վառելիքի թանկացման մասին կանխատեսումները։
Իսկ Երևանի քաղաքապետարանն այս պահին ավելի շատ զբաղված է նոր տրանսպորտային ցանցի ներդրման ծրագրերով։
Փոխքաղաքապետը հայտնեց, որ երևանցիները խոստացված նոր տրանսպորտային ծառայությունները կստանան 2018թ-ի վերջին։ Ամենայն հավանականությամբ այդ ժամանակ էլ հայտնի կդառնա տրանսպորտի նոր սակագինը։
