Լապշինն ասել է` երբ է մտադիր «թաքուն» Հայաստան գալ

© Livejournal/MARTYSHIN / Александр Лапшин
Александр Лапшин - Sputnik Արմենիա
Բաժանորդագրվեք
НовостиTelegram
Բլոգերը Հայաստան է գալիս Սյունիքի լեռնային ճանապարհով անցնելու և ընկերներին տեսնելու համար:

ԵՐԵՎԱՆ, 30 դեկտեմբերի — Sputnik. Հայտնի բլոգեր Ալեքսանդր Լապշինը Sputnik Արմենիային հայտնեց Հայաստան այցելելու մոտավոր ժամանակահատվածը:

«Մտադիր եմ Հայաստան այցելել մարտի վերջին կամ ապրիլի սկզբին: Ուզում եմ լուռ գալ, տեսնել ընկերներիս, ավտոմեքենայով Սյունիք գնալ, հետո այդպես լուռ վերադառնալ», — ասաց Լապշինը:

Նրա խոսքով` ավելի հստակ ծրագրեր դեռ չկան:

Ավելի վաղ Լապշինը Facebook սոցցանցի իր էջում հայտնել էր, որ ուզում է անցնել ՀՀ Սյունիքի մարզի Մեղրի-Նռնաձոր լեռնային ճամփեզրով։

Александр Лапшин - Sputnik Արմենիա
Այնպես եմ ուզում, որ ուտել չեմ կարողանում. Լապշինը Հայաստան կգա կիրճի եզրով անցնելու համար

Նշենք, որ Լապշինը երեք տարվա ազատազրկման էր դատապարտվել առանց Ադրբեջանի իշխանության հետ համաձայնեցնելու Արցախ այցելելու համար։

2016 թվականի վերջին Լապշինը Մինսկում ձերբակալվել էր Ադրբեջանի հարցման համաձայն, որը նրան «սև ցուցակի» մեջ էր ընդգրկել առանց Բաքվի համաձայնության Արցախի Հանրապետություն այցելելու պատճառով: Բելառուսի գլխավոր դատախազությունը որոշում էր ընդունել Ադրբեջանի հարցումը բավարարելու և Լապշինին հանձնելու մասին:

Ավելի ուշ Ադրբեջանի նախագահը ներում էր շնորհել բլոգերին, և նա ազատ էր արձակվել, որից հետո բլոգերը պատմել էր, որ նրան ծեծի են ենթարկել, սակայն դա հանրությանը ներկայացվել է որպես ինքնասպանության փորձ, որպեսզի հետո այդ միջադեպն օգտագործվի որպես «ներման ձևական պատճառ»։

Լրահոս
0