ԵՐԵՎԱՆ, 6 Հունվար — Sputnik. Երեկ, հունվարի 5-ին արտակարգ դեպք է տեղի ունեցել Լոռու մարզում: Այս մասին տեղեկացնում է Shamshyan.com–ը։
Ժամը 05:50-ի սահմաններում անհայտ անձը կամ անձինք Վանաձոր քաղաքի Վարդանանց փողոցի թիվ 19 շենքի բակում հրկիզել են կայանված վիճակում գտնվող Chevrolet մակնիշի KZ 968 DRA 06 Ղազախստանի Հանրապետության հաշվառման համարանիշի ավտոմեքենան:
Հրկիզման հետևանքով կոտրվել է ավտոմեքենայի հետևի հողմապակին: Պարզվել է, որ հրկիզումը կատարվել է հունվարի 4-ի ժամը 18:00-ից մինչև հունվարի 5-ի ժամը 04:00-ն ընկած ժամանակահատվածում:
Գ. Շամշյանի տեղեկություններով, ավտոմեքենան պատկանում է Վարդանանց 19 շենքի 20 բնակարանի բնակիչ 52-ամյա Լեոնիդ Ավետիքյանին, ով վերջերս է եկել Ղազախստանի Հանրապետությունից՝ հարազատ ծննդավայրում Ամանորն անցկացնելու նպատակով։
Ոստիկանությունն ունի կասկածյալի վերաբերյալ տեղեկություններ, որոնք օպերատիվ-հետախուզական ճանապարհներով ճշտվում են:
