ԵՐԵՎԱՆ, 7 հունվարի – Sputnik. Իրանի նախկին նախագահ Մահմուդ Ահմադինեջադը ձերբակալվել է անկարգություններ հրահրելու համար։ Այս մասին հայտնում է ՌԻԱ Նովոստին՝ հղում անելով Al-Quds Al-Arabi թերթին։
«Իշխանությունները հրահանգել են Իրանի նախկին նախագահին ձերբակալել Շիրազ կատարած այցելության ժամանակ»,– հայտնում է Լոնդոնում հրատարակվող արաբալեզու թերթը։
Դեկտեմբերի 28-ին Արևմտյան Բուշեր քաղաք իր այցելության ժամանակ Ահմադինեջադն ասել է. «Ներկայիս առաջնորդներից ոմանք ապրում են մարդկանցից հեռու և ոչինչ չգիտեն հասարակության իրական խնդիրների մասին»։Նա նաև ավելացրել է, որ Իրանը տառապում է «տնտեսության բացակայությունից», ինչպես նաև, որ նախագահ Հասան Ռոուհանիի կառավարությունը «կարծում է, որ նրանք են հողի տերը, ժողովուրդն էլ տգետ հասարակություն է համարվում»,- գրում է Al-Quds Al-Arabi-ն։
Հակակառավարական ցույցերը Իրանում մեկնարկել են դեկտեմբերի 28-ին։ Կան տասնյակ զոհեր և հարյուրավոր ձերբակալվածներ։
