ԵՐԵՎԱՆ, 7 հունվարի — Sputnik. Ստոկհոլմի մետրոյի Varby Gard կայարանում պայթյուն է որոտացել։ Այս մասին հայտնում է ՌԻԱ Նովոստին՝ հղում անելով տեղի ոստիկանությանը։
Իրավապահ մարմինների աշխատակիցների տվյալների համաձայն՝ պայթուցիկ սարքը գործել է, երբ մի տղամարդ գետնից ինչ-որ իր է վերցրել։ Նա լուրջ վնասվածքներ է ստացել։
SVT հեռուստաալիքի տվյալների համաձայն՝ տղամարդը մոտ 60 տարեկան է։ Նրա հետ 45 տարեկան կին է եղել, որը նույնպես տուժել է պայթյունից։
Տվյալ պահին Varby Gard կայարանի տարածքում ոստիկաններ, սակրավոներ, հրշեջներ ու բժիշկներ են աշխատում։ Պատահածի հանգամանքները ճշտվում են։
Մետրոյի կայանը շրջափակված է։
