Վրաստանում խառնել են հանգուցյալներին և այդ մասին իմացել միայն թաղման օրը

CC BY 2.0 / John Crane / Kutaisi 012Вид города Кутаиси
Вид города Кутаиси - Sputnik Արմենիա
Ցերցվաձեի ընտանիքը հինգ օր սգացել է ուրիշի կորուստը։

ԵՐԵՎԱՆ, 10 հունվարի — Sputnik. Վրացական Քութայիսի հիվանդանոցներից մեկում Նոր տարվա առաջին օրերին շփոթել են հանգուցյալներին, հաղորդում է Sputnik Գրուզիան։

Մահացածների հարազատները շփոթմունքի մասին իմացել են միայն թաղման օրը։ Մինչ այդ մի քանի օր նրանք սգացել են ուրիշի մահը։

Следственный комитет Армении - Sputnik Արմենիա
Նոր մանրամասներ. ինչի՞ց է մահացել որդու կողմից ծեծի ենթարկված հայրը

Ընտանիքները երեքշաբթի` թաղումից առաջ, փոխանակվել են հանգուցյալների մարմինները։ Հանգուցյալներից մեկի հարազատները պատմել են, որ մահացածի դեմքը վիրակապված է եղել և դժվար է եղել նրան ճանաչելը։ Խառնաշփոթի մասին հայտնի է դարձել, երբ հանգուցյալին դրել են դագաղը։

«Երբ ես նայեցի հանգուցյալին, հասկացա, որ նա իմ ամուսինը չէ։ Իմ ամուսինն ուրիշ մատներ ուներ, բացի այդ ես դաջվածք տեսա։ Հետո ես խնդրեցի ինձ ցույց տալ նրա ոտքը, նա ոտքի վրա նշան ուներ։ Դա էլ չհամընկավ։ Ես, ասես, երկրորդ անգամ մահացա։ Մենք ոստիկանություն կանչեցինք, և նրանք օգնեցին գտնել մեր հանգուցյալին։ Մենք չէինք կարող պատկերացնել, որ նման բան կարող է պատահել», – ասել է մահացածներից մեկի` Ցերցվաձեի կինը։

Մյուս հանգուցյալի ազգականը պատմել է, որ երբ հարազատները բերել են նրա մարմինը հիվանդանոցից, կասկածել են` տեսնելով նրա դեմքը, բայց մտածել են, որ հիվանդությունից հետո դեմքը փոխվել է։

Ընտանիքներից մեկը պահանջում է պատժել Քութայիսի հիվանդանոցի աշխատողին, որը թույլ է տվել սխալը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала