Որքան շուտ Բաքուն գիտակցի այս իրողությունը, այնքան շուտ հնարավոր կլինի կարգավորել Արցախի հարցը

© Sputnik / Asatur YesayantsВстреча глав МИД Армении и Ирана Эдварда Налбандяна и Мохаммада-Джавада Зарифа
Встреча глав МИД Армении и Ирана Эдварда Налбандяна и Мохаммада-Джавада Зарифа - Sputnik Արմենիա
Բաժանորդագրվեք
Yandex newsTelegram
Նալբանդյանը ԵԱՀԿ ՄԽ համանախագահների ասել է, որ փուլային և փաթեթային սկզբունքները մեկ ամբողջություն են, և դրանցից մեկին նախապատվություն տալն անհնար է դարձնում ղարաբաղյան հակամարտության կարգավորումը։

ԵՐԵՎԱՆ, 18 հունվարի — Sputnik. ՀՀ արտգործնախարար Էդվարդ Նալբանդյանը Կրակովում հանդիպել է ԵԱՀԿ Մինսկի խմբի համանախագահներ Իգոր Պոպովի, Ստեֆան Վիսկոնտիի, Էնդրյու Շոֆերի, ԵԱՀԿ գործող նախագահի անձնական ներկայացուցիչ Անջեյ Կասպրչիկի հետ։ Այս մասին հայտնում է ՀՀ արտգործնախարարության մամուլի ծառայությունը։

Министр иностранных дел РФ Сергей Лавров - Sputnik Արմենիա
Թարգմանության դժվարությունները, կամ ինչպես Լավրովը «սթափեցրեց» Ադրբեջանին

Նալբանդյանն ընդգծել է, որ հայկական կողմն, ինչպես միշտ, կառուցողական տրամադրվածությամբ է մասնակցում հանդիպումներին։

Հայաստանը համանախագահ երկրների հետ շարունակելու է ուղիներ փնտրել բանակցությունների առաջմղման համար անհրաժեշտ պայմանների ստեղծման շուրջ Վիեննայի, Սանկտ Պետերբուրգի և Ժնևի գագաթաժողովներին ձեռք բերված պայմանավորվածությունների և եռանախագահների առաջարկությունների իրագործման ուղղությամբ։ Դրանք, ըստ Նալբանդյանի նախարարի, նպաստելու են հակամարտության գոտում լարվածության թուլացմանը, 1994-95 թթ.-ին հաստատված զինադադարի պահպանմանը, ԵԱՀԿ գործող նախագահի անձնական ներկայացուցչի գրասենյակի մոնիտորինգային կարողությունների ընդլայնմանը, զինադադարի խախտումների հետաքննության մեխանիզմի ստեղծմանը։

Արտգործնախարարն ասել է, որ եթե Բաքուն հետևի համանախագահների՝ հրադադարի պահպանման կոչերին, կատարի նախկինում ձեռք բերված պայմանավորվածությունները, կառուցողաբար ներգրավվի բանակցային գործընթացում, վերահաստատի իր հանձնառությունը համանախագահների կողմից առաջարկված հիմնախնդրի կարգավորման սկզբունքներին, հնարավոր կլինի ճանապարհ հարթել խաղաղության գործընթացն առաջ մղելու համար:

«Բաքուն հաճախ է խոսում, թե իբր շահագրգռված է, որ ստատուս քվոն փոխվի։ Ակնհայտ է, որ դրան հասնելու գործնական ճանապարհը հենց վերոհիշյալի իրականացումն է։ Համանախագահները տարիներ շարունակ հայտարարում են, որ իրենց կողմից՝ փուլային իրականացմամբ փաթեթային հանգուցալուծման նպատակով, առաջարկվող սկզբունքներն ու տարրերը մեկ ամբողջություն են հանդիսանում, և դրանից մեկին նախապատվություն տալու փորձերը անհնար կդարձնեն կարգավորումը։ Որքան շուտ Բաքուն գիտակցի այս իրողությունը, այնքան շուտ հնարավոր կլինի գործնական հունի մեջ դնել կարգավորման գործընթացը»,- ասել է Նալբանդյանը։

Նախարարն անդրադարձել է նաև մշակութային ժառանգության պահպանման մասին Ադրբեջանի պաշտոնյաների հայտարարություններին` նշելով, որ դրանք միայն տարակուսանք են հարուցում, քանի որ հենց Ադրբեջանն է տարիներ ի վեր հետևողականորեն ոչնչացնում հայկական հուշարձաններն ու կոթողները, միաժամանակ մերժելով Ջուղայում և այլ վայրերում միջազգային փաստահավաք առաքելությունների իրականացումը։

Այսօր` հունվարի 18-ին, Կրակովում ԵԱՀԿ Մինսկի խմբի համանախագահների նախաձեռնությամբ նախանշված է Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումը։

Լրահոս
0