Հենրիխ Մխիթարյանը հրաժեշտ տվեց ու հեռացավ «կարմիր սատանաներից». լուսանկար

© Sputnik / Asatur YesayantsГенрих Мхитарян
Генрих Мхитарян - Sputnik Արմենիա
Հայ ֆուտբոլիստ Հենրիխ Մխիթարյանը հրաժեշտ է տվել «Մանչեսթեր Յունայթեդի» խաղացողներին և հեռացել։

ԵՐԵՎԱՆ, 19 հունվարի — Sputnik. Հայաստանի հավաքականի կիսապաշտպան Հենրիխ Մխիթարյանը հունվարի 19-ին հրաժեշտ է տվել «Մանչեսթեր Յունայթեդի» ֆուտբոլիստներին և հեռացել մանչեսթերյան թիմակիցներից։ Այս մասին հայտնում է dailymail-ը:

«Ցավալի է, որ Մխիթարյանը հեռանում է: Նրան շատ էին սիրում «Յունայթեդում»: Մենք գիտենք, որ նա ուրախ չէ այս գործարքի ընթացքից, բայց նաև հասկանում է, որ «Արսենալում» կարող է ավելի շատ խաղալ»,- պարբերականին ասել է «Մանչեսթեր Յունայթեդի» աղբյուրը։

Հիշեցնենք` մի քանի օր առաջ բրիտանական լրատվամիջոցները հայտնեցին, որ Հենրիխը համաձայնեցրել է անհատական գործարքի պայմանները` փաստացիորեն համաձայնելով «Արսենալ» անցնել։

​Հայ ֆուտբոլիստի գործակալ Մինո Ռայոլան հունվարի 18-ին Լոնդոն է մեկնել` Մխիթարյանի «Արսենալ» անցնելու բանակցություններն ավարտելու նպատակով։

«Արսենալի» գլխավոր մարզիչ Արսեն Վենգերն իր հերթին հայտնել էր, որ Մխիթարյանի աշխատավարձը խնդիր չէ։ Ավելի վաղ խոսվում է ր, որ կողմերը չեն կարողանում համաձայնության գալ հայ կիսապաշտպանի անհատական գործարքի շուրջ։

Հենրիխ Մխիթարյանը լոնդոնյան ակումբի չիլիացի կիսապաշտպան Ալեքսիս Սանչեսի` «Մանչեսթեր Յունայթեդ» տեղափոխվելու գործարքի մի մասն է դարձել։

Նախնական տվյալների համաձայն` Մխիթարյանը «Արսենալում» շաբաթական 130 հազար ֆունտ ստեռլինգ է ստանալու` գումարած բոնուսները։ Գործարքը չորս տարի ժամկետով է կնքվել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала