ԵՐԵՎԱՆ, 9 փետրվարի — Sputnik. Տևական ժամանակ շրջանառվում էր պաշտպանության նախարար Վիգեն Սարգսյանի հրաժարականի մասին լուրը, անգամ հավանական թեկնածուների անուններ էին նշվում: Այս մասին գրում է «Իրատես» թերթը։
«Մամուլը գրեց նաև, թե գեներալների ու որոշ պաշտոնյաների հավաք է եղել, որոնք դժգոհել են Վիգեն Սարգսյանից ու որոշել նրան այլ անձով փոխարինել: Սակայն պարզվում է` գեներալների դժգոհությունը իշխանության վերնախավը չի կիսում»,- նշված է հոդվածում։:
Թերթի աղբյուրի փոխանցմամբ՝ Բաղրամյան 26-ում բավական գոհ են պաշտպանության նախարարի գործունեությունից, և նրա պաշտոնանկության հարցը փակված է:
«Վիգեն Սարգսյանը կշարունակի պաշտոնավարել նաև ապրիլից հետո, նախագահը մտադիր չէ առայժմ Վիգեն Սարգսյանին այլ նախարարություն տեղափոխելու, քանի որ պաշտպանության նախարարությունում իրականացվող բարեփոխումները Սերժ Սարգսյանի սրտով են»,-գրում է թերթը:
