ԵՐԵՎԱՆ, 12 փետրվարի — Sputnik. Բուլղարիայի նախագահ Ռումեն Ռադևի գլխավորած պատվիրակությունն այսօր՝ փետրվարի 12-ին, Հայաստանի արտգործնախարար Էդվարդ Նալբանդյանի և Երևանի քաղաքապետ Տարոն Մարգարյանի ուղեկցությամբ այցելեց Ծիծեռնակաբերդի հուշահամալիր։
17 հունվարի 2018, 19:57
Պատվիրակության անդամները ծաղկեպսակ դրեցին Հայոց ցեղասպանության զոհերի հիշատակը հավերժացնող հուշակոթողին, ծաղիկներ խոնարհեցին անմար կրակի մոտ և լռությամբ հարգեցին Սուրբ նահատակների հիշատակը:
Նրանք եղան նաև Հայոց ցեղասպանության թանգարան-ինստիտուտում, ծանոթացան ցուցանմուշներին: Ռումեն Ռադևը գրառում կատարեց հուշամատյանում և եղևնի տնկեց հիշատակի պուրակում:
Բուլղարիայի նախագահ Ռումեն Ռադևը Հայաստան է ժամանել փետրվարի 11-ի երեկոյան ՀՀ նախագահ Սերժ Սարգսյանի հրավերով։
