ԱՄՆ նախագահ Դոնալդ Թրամփը դեռ նախընտրական քարոզարշավի ժամանակ հայտարարում էր, որ արտաքին ֆինանսավորումը կրճատվելու է, և այդպես էլ արեց։
«Այս պահի դրությամբ կրճատվել է համարյա բոլոր պետություններին տրամադրվող աջակցությունը, Հայաստանն էլ բացառություն չէ»,- ասաց քաղաքագետ Սուրեն Սարգսյանը։
Նրա խոսքով` մի կարևոր բան պետք է հաշվի առնել. բյուջեն ներկայացնում է վարչակազմը, բայց հաստատում է Կոնգրեսը։
«Սա նշանակում է, որ հայկական լոբբիստական կազմակերպությունները կարող են շտկել իրավիճակը։ Հենց այս պահին ես Արցախում եմ, որին նույնպես ամեն տարի ուղիղ աջակցություն է ցուցաբերվում։ Դա հենց լոբբիստական կազմակերպությունների և հայկական համայնքի ակտիվ աշխատանքի արդյունքն է»,- ասաց Սարգսյանը։
Նշենք, որ Թրամփն առաջարկել է ԱՄՆ Կոնգրեսին կրճատել Հայաստանին տրամադրվող ֆինանսական օգնությունը։
ԱՄՆ-ն նաև Հայաստանի կառավարությանը տեղեկացրել է, որ ռուսական ՌԱՀ-ի հետ «էական գործարքներ» կնքելու դեպքում երկիրը կարող է հավանական պատժամիջոցների կիրառման վտանգի տակ հայտնվել։
