ԵՐԵՎԱՆ, 16 փետրվարի — Sputnik. Աժ ՀՀԿ խմբակցության պատգամավոր Հրայր Թովմասյանն ԱԺ նախագահին հրաժարականի դիմում է ներկայացրել ազգային ժողովի պետական-իրավական և մարդու իրավունքների պաշտպանության հարցերի մշտական հանձնաժողովի նախագահի պաշտոնից։ Հայտնում են խորհրդարանի հանրային կապերի և տեղեկատվության վարչությունից։
Հրաժարականի պատճառն այն է, որ Թովմասյանն առաջադրվել է ՀՀ ՍԴ անդամի թեկնածու։
Ինչպես երեկ ՀՀԿ ԳՄ նիստի ավարտին լրագրողներին հայտնել էր ՀՀԿ խոսնակ Էդուարդ Շարմազանովը, նրան հանձնաժողովի նախագահի պաշտոնում կփոխարինի նախկին դատախազ, ԱԺ ՀՀԿ խմբակցության պատգամավոր Գևորգ Կոստանյանը։
Էդուարդ Շարմազանովը նաև նշել էր, որ ՍԴ անդամ նշանակվելու դեպքում, Հրայր Թովմասյանի փոխարեն պատգամավորական մանդատ կստան ՀՀԿ նախընտրական ցուցակում հաջորդ թեկնածու, ԱԺ նախկին պատգամավոր Տաճատ Վարժապետյանը։
