ԵՐԵՎԱՆ, 15 փետրվարի — Sputnik. Ուղարկված հաղորդագրության բովանդակությունը հասցեատերը չի տեսնի, այն հնարավոր չէ կարդալ, սակայն դրա պատճառով հեռախոսի բոլոր հիմնական հավելվածների աշխատանքը կսկսի խափանվել: Այս մասին տեղեկացնում է РИА Новости-ն՝ հղում անելով MobileWorld-ին:
Ըստ տեղեկատվության՝ սմարթֆոնը շարքից հանելու համար հարկավոր է հաղորդագրությամբ ուղարկել հնդկական տելեգու լեզվում առկա այս նշանը՝ జ్ఞా:
Այն բանից հետո, երբ սմարթֆոնի տերը կստանա այդ նշանի պարունակությամբ հաղորդագրությունը, նրա հեռախոսը կդադարի աշխատել, հեռախոսի բոլոր հիմնական հավելվածների աշխատանքը կխափանվի:
Apple ընկերությունը դեռ չի շտապում այս կապակցությամբ մեկնաբանություն տալ՝ հավանաբար խուսափելով իր արտադրանքի հակագովազդից:
