ԵՐԵՎԱՆ, 20 փետրվարի — Sputnik. Ճապոնիայի պաշտպանության նախարար Իցունորի Օնոդերուն հայտնել է, որ Միսավա ավիաբազայից Աոմորի պրեֆեկտուրա մեկնող ամերիկյան F-16 կործանիչի շարժիչն այրվել է օդում։ Այս մասին հայտնում է ՌԻԱ Նովոստին՝ հղում անելով ճապոնական լրատվամիջոցներին:
Կործանիչի օդաչուն որոշել է Օգավարո լիճ նետել վառելիքով լի 2 տարան, որից հետո վերադարձել է ավիաբազա:
Ձկնորսների խոսքով՝ վառելիքով լի տարաներն ընկել են ձկնորսական նավակից 400 մետր հեռավորության վրա և ջրի սյունը բարձրացրել մինչև 15 մետր:
Նախարար Իցունորի Օնոդերուն խոստացել է ամերիկյան կողմից բացատրություն պահանջել, տեղի ունեցածի պատճառները պարզել, հետագայում նման միջադեպերի կանխմանն ուղղված միջոցներ ձեռնարկել։