ԵՐԵՎԱՆ, 20 փետրվարի — Sputnik. Կենսաթոշակառուների թվի աճը Հայաստանի բյուջեին լրջորեն կհարվածի 2023թ-ին, երեքշաբթի լրագրողներին ասաց Հայաստանի աշխատանքի և սոցիալական հարցերի փոխնախարար Սմբատ Սաիյանը։
Նրա խոսքով՝ հունվարի 1-ին Հայաստանում եղել են 455 600 կենսաթոշակառու, մինչև տարեվերջ ևս 43 հազար մարդ կստանան այդ կարգավիճակը։ Միաժամանակ կենսաթոշակառուների ամենամեծ տարեկան աճը սպասվում է 2023թ-ին՝ 60 հազար մարդ կհասնի կենսաթոշակային տարիքի։ Ինչպես նշեց փոխնախարարը, նման դինամիկան պայմանավորված է անցած դարի 50-60-ականների բեյբի-բումով։
Սաիյանն ասաց, որ 2018թ-ին Հայաստանի պետբյուջեից կենսաթոշակների վճարմանը տրամադրվել է 210 միլիոն դրամ, այսինքն 437 միլիոն դոլար։ Աշխատանքի նախարարության հաշվարկով՝ կենսաթոշակառուների սպասելի աճը բյուջեից կտանի 19 միլիարդ դրամ։
Տարիքային կենսաթոշակառուներից բացի, աշխատանքի նախարարությունը կզբաղվի նաև այն մարդկանց հարցերով, որոնք հաշմանդամության թոշակ են ստանում։ Տարեսկզբին Հայաստանում եղել են 193 հազար նման մարդիկ, այդ թվում՝ 8200 երեխա։ Ինչպես նշեց Սաիյանը, բժշկասոցիալական փորձաքննությունը ցույց է տվել է, որ մեկ տարում նրանց թիվը կրճատվել է 13 հազարով։ Այնուամենայնիվ, հաշմանդամություն ունեցող մարդկանց կարգից բացառված քաղաքացիները մեծամասամբ բժշկական օգնության կարիք ունեն, ասաց փոխնախարարը։
«Հաշմանդամ չճանաչված անձը, եթե ունի առողջապահական ծառայություն ստանալու խնդիր, նրան առաջարկվում է վերականգնողական բուժում ստանալ համապատասխան պայմանագիր ունեցող հաստատությունում: Բուժումն ամբողջությամբ փոխհատուցվում է», — ասաց Սաիյանը։
Նախագիծը դեռ մշակման փուլում է, առաջիկայում կներկայացվի Հայաստանի կառավարությանը։
