ԵՐԵՎԱՆ, 24 փետրվարի — Sputnik. Ռուսաստանցի սուսերամարտիկ, օլիմպիական կրկնակի չեմպիոն Յանա Եգորյանը Instagram-ում մի հատված է հրապարակել «Պուգովիցա» երգիծական հաղորդումից։
«Սա ես եմ կինոյում։ Երգիծական հաղորդում էր, կոչվում էր «Պուգովիցա»,- ասում է Յանան։
Տեսանյութում նա 4 տարեկան է։
«Զվարճալի է, երբ տեսնում ես քեզ փոքր տարիքում»,- մեկնաբանել է օգտատերերից մեկը։
Յանա Եգորյանը սուսերամարտի Ռուսաստանի հավաքականի մարզիկ է, որը ոսկե մեդալ է նվաճել Ռիո դե Ժանեյրոյի Օլիմպիական խաղերում։ Անցած տարվա հոկտեմբերի կեսին նա իր պատմական հայրենիք էր եկել, նախատեսում է առաջիկայում կրկին գալ։ Հայտնի սուսերամարտիկը հանդիպել է հոր` Կարապետ Ալավերդյանի հետ, որին 17 տարի չէր տեսել։ Ծնողներն ամուսնալուծվել են, երբ նա վեց տարեկան է եղել։ Մայրն աղջկան իր ազգանունն է տվել, քանի որ ամուսնացած չի եղել Յանայի հոր հետ։
