Նարեկ Հովհաննիսյանի անձնական կղզին նախատեսված է Սախալինի Ռոբինզոնների համար

© Sputnik / Андрей Шапран / Անցնել ֆոտոբանկЗакат на Курильских островах
Закат на Курильских островах - Sputnik Արմենիա
Բաժանորդագրվեք
Գործարար Նարեկ Հովհաննիսյանը, որը Հեռավոր Արևելքում մի ամբողջ կղզի է գնել, պատմել է, թե ինչ է մտադիր այնտեղ անել։

ԵՐԵՎԱՆ, 1 մարտի — Sputnik. Ինչպես տեղեկացնում է ՌԻԱ Նովոստին, Ճապոնական ծովում գտնվող Չակմուտ կղզու երջանիկ սեփականատեր, մոսկվաբնակ Նարեկ Հովհաննիսյանի հավակնոտ նախագծով նախատեսվում է «Գանձերի կղզի» ստեղծել։

«Հեռավորարևելյան հեկտար» ծրագիրը հնարավորություն է տալիս Ռուսաստանի յուրաքանչյուր քաղաքացու մինչև մեկ հեկտար մակերեսով անվճար հողատարածք ստանալ Հեռավոր Արևելքի տարածքում։ Նարեկը մտադիր է այնտեղ զբոսաշրջային կենտրոն ստեղծել` ակտիվ հանգստի սիրահարների համար։
«Միշտ ցանկացել եմ իմ կղզին ունենալ։ Որոշել եմ այնտեղ զարգացնել զբոսաշրջությունը։ Այս տարի ծրագրում ենք տուն կոնտեյներներ տեղադրել և տարածքը նախապատրաստել քվեստեր` արկածային խաղեր անցկացնելու համար։ Այդ ամենը նման կլինի «Գանձերի կղզի» ստեղծագործության սյուժեին, այնտեղ կլինեն ծովահեններ, արկածներ, գանձեր»,- պարզաբանել է նա։

Пожар на заводе Наирит - Sputnik Արմենիա
Բիզնես կենտրոն ու հյուրանոց` «Նաիրիտ-2»-ի տեղում

Ըստ նրա` զբոսաշրջիկներին կառաջարկվի ճանապարհորդել ծովով, թեև ամռանն այնտեղ կարելի է նաև ոտքով զբոսնել. ափից հեռավորությունը 300 մետր է, ջուրը ծնկից վերև չի բարձրանում։ Իսկ խաղերին մասնակցության գինը կսկսվի 20 հազար ռուբլուց։

«Եթե հաշվի առնենք, որ Մոսկվայից Խաբարովսկ թռիչքն արժե 11 հազար ռուբլի, ապա ուղևորությունը կարժենա 30-40 հազար ռուբլի։ Մենք ակնկալում ենք, որ մարդկանց շատ կհետաքրքրի, մեզ մոտ կգան ոչ միայն Ռուսաստանից։ Մենք ստեղծել ենք մեր նախագծի կայքը, արդեն երեք հազար հայտ ունենք», — ասում է Հովհաննիսյանը։

Ավելի վաղ գործարարը հայտարարել էր, որ իր կղզում զբոսաշրջիկները կարող են իրենց հեռավորարևելյան Ռոբինզոնների դերում զգալ։ Նրա խոսքով` սեփական կղզի ունենալը ոգևորիչ է։ Գործարարը նաև նշել է, որ կղզին ձեռք բերելու դիմումը ձևակերպել են ամբողջ ընտանիքով։ Ձեռք են բերել կղզու տարածքի ամբողջ երեք հեկտարը։ Բյուրոկրատական քաշքշուկը` փաստաթղթերի ձևակերպման գործընթացը շատ ժամանակ չի խլել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала