ԵՐԵՎԱՆ, 3 մարտի — Sputnik. Այսօր՝ ժամեր առաջ, մահացել է ՀՀ գլխավոր ինֆեկցիոնիստ Արա Ասոյանը: Այս մասին Sputnik Արմենիային հայտնեց ՀՀ առողջապահության նախարարի մամուլի խոսնակ Անահիտ Հայթայանը։
«Ցավով տեղեկացնում ենք, որ անժամանակ մահացել է ՀՀ առողջապահության նախարարության գլխավոր ինֆեկցիոնիստ Արա Վարդգեսի Ասոյանը»,- նշված է ՀՀ առողջապահության ֆեյսբուքյան էջում։
Ըստ լուրերի` դեպքը տեղի է ունեցել աշխատավայրում՝ Նորքի Ինֆեկցիոն կլինիկական հիվանդանոցի բակում:
Գլխավոր ինֆեկցիոնիստը մահացել է սրտի կաթվածից։
Ասոյանը Նորքի Ինֆեկցիոն կլինիկական հիվանդանոցի տնօրենն էր։
Sputnik Արմենիան ցավակցում է բժշկի ընտանիքին:
Ասոյանը 65 տարեկան էր։
