Եթե վարչապետն ուզի, դու էլ առանձնատուն կստանաս. ի՞նչ կտա պետությունը պաշտոնյաներին

© Press-office of the President of RAСерж Саргсян и Армен Саркисян
Серж Саргсян и Армен Саркисян - Sputnik Արմենիա
Բաժանորդագրվեք
Առանձնատուն, ինքնաթիռ, անձնական բժիշկ. ՀՀ կառավարությունն առաջարկում է ամրագրել ներկա ու նախկին պաշտոնյաների` պետության կողմից տրամադրվող սոցիալական երաշխիքները։

ԵՐԵՎԱՆ, 6 մարտի — Sputnik. ՀՀ Ազգային ժողովն այսօր երկրորդ ընթերցմամբ քննարկեց «Բարձրաստիճան անձանց գործունեության ապահովման, սպասարկման սոցիալական երաշխիքների մասին օրենքի» նախագիծը։

Президент Серж Саргсян и выдвинутый от РПА кандидат в президенты Армении Армен Саркисян - Sputnik Արմենիա
ՀՀ նոր նախագահի լիազորությունները գնալով կրճատվում են

ՀՀ կառավարության հեղինակած օրինագծով երաշխավորվում են ոչ միայն պաշտոնաթող, այլև գործող պաշտոնյաների` պետության կողմից տրամադրվող գույքն ու սպասարկումը։

Հանրապետության նախագահն իր լիազորությունների իրականացման համար ապահովվում է առավելագույնը 155 անձից բաղկացած աշխատակազմով։ Համեմատության համար նշենք, որ վարչապետի աշխատակազմը առավելագույնը 600 հոգանոց է։

Հանրապետության նախագահին սպասարկման նպատակով տրամադրվում է նստավայր` Երևանի Մաշտոցի 47 հասցեում, ինչպես նաև ծառայողական առանձնատուն Երևանի Ձորափի 74, 4-րդ մասնաշենքում (Հրազդան գետի ափին գտնվող կառավարական ամառանոցներում), պետական ամառանոց Սևանի թերակղզում՝ ապահովված համապատասխան գույքով և սպասարկմամբ, հատուկ նշանակության ավտոտրանսպորտ:

ՀՀ վարչապետին սպասարկման նպատակով ևս տրամադրվում են նստավայր Երևանի Բաղրամյան 26 հասցեում (ներկայիս նախագահական նստավայրը), ծառայողական առանձնատուն Երևանի Ձորափի 74, 3-րդ մասնաշենքում, պետական ամառանոց Սևանի թերակղզում՝ ապահովված համապատասխան գույքով և սպասարկմամբ, հատուկ նշանակության ավտոտրանսպորտ։

Սակայն, ի տարբերություն ՀՀ նախագահի, ՀՀ վարչապետն ունենալու է նաև հատուկ սարքավորված ինքնաթիռ և ուղղաթիռ:

Վարչապետի և նախագահի առողջական վիճակին հետևելու են նրանց հատկացված անձնական բժիշկները:

Բարձրաստիճան մյուս պաշտոնյաները` Ազգային ժողովի նախագահն ու Սահմանադրական դատարանի նախագահը ևս կստանան ծառայողական առանձնատներ Երևանում՝ համապատասխան սպասարկմամբ:

Իսկ մյուս պաշտոնյաներն այդ շնորհին կարժանանան միայն այն դեպքում, երբ այդպես որոշի վարչապետը։

Օրինագիծը քվեարկության կդրվի վաղն առավոտյան նախանշված ԱԺ նիստում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала