Հայաստանի և Վրաստանի միջև չկան հարցեր, որոնք հնարավոր չլինի լուծել բանակցություններով

© Sputnik / Asatur YesayantsЭдуард Шармазанов
Эдуард Шармазанов - Sputnik Արմենիա
Հայաստանի Հանրապետական կուսակցությունը գործադիր մարմնի նիստում ամփոփել է Վրաստանի վարչապետի՝ Հայաստան կատարած այցի արդյունքները:

ԵՐԵՎԱՆ, 7 մարտի — Sputnik. ՀՀԿ Գերագույն մարմնի նիստից հետո լրագրողների հետ հանդիպմանը ն ՀՀԿ խոսնակ, ԱԺ փոխնախագահ Էդուարդ Շարմազանովը տեղեկացրել է, որ Հայաստանի Հանրապետական կուսակցությունը գործադիր մարմնի նիստում ամփոփել է Վրաստանի վարչապետի՝ Հայաստան կատարած այցի արդյունքները:

«Մեր կարծիքով հայ-վրացական քաղաքական, տնտեսական, մշակութային կապերը զարգացնելու համար լուրջ նախադրյալներ կան: Թե վրացական, թե հայկական կողմը պատրաստ են զարգացնել այդ հարաբերությունները: Շատ կառուցողական ենք համարում Վրաստանի վարչապետի այցը Հայաստան, հանդիպումները հանրապետության նախագահի և վարչապետի հետ, լայն կազմով պատվիրակությունների հանդիպումները»,- նշել է Շարմազանովը:

Заседание Национального собрания РА. Эдуард Шармазанов - Sputnik Արմենիա
Հայաստանը փոխվում է, մարտահրավերները մնում են նույնը. Շարմազանով

ԱԺ փոխնախագահը նաև հավելել է, որ հայ-վրացական հարաբերություններում որոշակի դրական տեղաշարժ է ակնկալվում միջխորհրդարանական համագործակցության ուղղությամբ:

«Ամենայն հավանականությամբ գարնանը իմ գլխավորած խորհրդարանական պատվիրակությունը կայցելի Վրաստան, իսկ աշնանը՝ Վրաստանի մեր գործընկերները կայցելեն Հայաստան»,- տեղեկացրել է նա:

ՀՀ ԱԺ փոխնախագահն ընդգծել է նաև, որ շատ կարևոր է, որպեսզի երկու երկրների պատգամավորները հաճախ հանդիպեն և քննարկեն բոլոր խնդիրները: Նրա խոսքով՝ Հայաստանի և Վրաստանի միջև չկան հարցեր, որոնք հնարավոր չլինի լուծել բանակցություններով:

«Մենք բարձր ենք գնահատում մեր համագործակցությունը Վրաստանի հետ: Այն մեր բարեկամ երկիրն է, և մենք պատրաստ ենք շարունակել այդ համագործակցությունը»,- եզրափակել է Շարմազանովը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала