ԵՐԵՎԱՆ, 9 մարտի — Sputnik. Գեղեցիկ, բարեկազմ, տաղանդավոր և ակտիվ. այս ամենը կարելի է ասել հայտնի հայուհիների մասին, որոնք իրենց երկրպագուներին պարբերաբար «երես են տալիս» լուսանկարներով և տեսագրություններով։
Sputnik Արմենիան կանանց միամսյակի առթիվ ներկայացնում է Instagram-ում ամենաակտիվ հայ աստղերի ընտրանին։ Նրանց բոլորին միավորում է աշխատասիրությունը, հետաքրքիր կյանքը և ավելի լավը դառնալու ցանկությունը։
Սիրուշո
Տաղանդավոր, գեղեցիկ, երկու երեխաների երիտասարդ մայր, «Եվրատեսիլ 2008» երաժշտական մրցույթի մասնակից։ Երգչուհին մեծ հաջողություն է վայելում ինչպես հայրենիքում, այնպես էլ երկրի սահմաններից դուրս։
Իվետա Մուկուչյան
Երգչուհի, մոդել Իվետա Մուկուչյանը ժամանակակից տղամարդկանցից շատերի երազանքն է։ «Եվրատեսիլ» մրցույթի ժամանակ երգիչ Ֆիլիպ Կիրկորովը խոստովանել է, որ Իվետան աննկարագրելի գեղեցիկ և տպավորիչ կին է։ Երգչուհին Հայաստանը ներկայացրել է «Եվրատեսիլ 2016» հեղինակավոր երաժշտական մրցույթում։
Թենի Փանոսյան
Հայ դերասանուհին ծնունդով Իրանից է։ Հիմա ապրում է ԱՄՆ-ում, նկարահանվել է տարբեր ֆիլմերում, մասնավորապես, կատակերգական («Մակը և Դևիինը» գնում են դպրոց, «Մոն Ռևե» և այլն)։ Թենին հիմա զբաղվում է հիմնականում բյութի բլոգինգով։
Սոֆի Մխեյան
Էստրադային հայտնի երգչուհին հաճախ է ուրախացնում իր արվեստի երկրպագուներին` լուսանկարներ հրապարակելով Instagram-ում։ Նա ազգային հիթ շքերթները հաճախ է գլխավորում իր լիրիկական կամ կենսուրախ երգերով։
Լիլիթ Հովհաննիսյան
Հայկական էստրադայի ամենապահանջված աստղերից մեկը, որը հաճախ է փոխում իր կերպարները, ինչպես նաև ինքն է կարում իր բեմական զգեստները։ Երգչուհին երկրպագուների մեծ բանակ ունի և՛ Հայաստանում, և մեր երկրի սահմաններից դուրս։
Նազենի Հովհաննիսյան
Հաղորդավար, դերասանուհի և մոդել Նազելի Հովհաննիսյանը հայկական հեռուստատեսության աստղերից է։ Նա հասցնում է տարբեր հաղորդումներ վարել, նկարահանվել կինոյում, խաղալ թատրոնում, դասավանդել բուհում, ինչպես նաև ճանապարհորդել։
