ԵՐԵՎԱՆ, 11 մարտի — Sputnik. ՌԴ Անվտանգության դաշնային ծառայությունը կանխել է Սարատովի մարզում հանցագործ խմբավորման կողմից ահաբեկչության փորձը։ Այս մասին տեղեկացնում է «ՌԻԱ Նովոստի»-ն՝ վկայակոչելով Հետաքննությունների դաշնային բյուրոյի հանրային կապերի կենտրոնին:
Այսօր անվտանգության մարմինների աշխատակիցները փորձել են կանգնեցնել հանցագործների ավտոմեքենան, բայց նրանք զինված դիմադրություն են ցուցաբերել: Փոխհրաձգության ժամանակ չարագործները վնասազերծվել են։ Հաղորդվում է, որ հանցագործները սպանվել են:
Դեպքի վայրում ուժայինները հայտնաբերել են հրացաններ, ինքնաշեն ձեռքի նռնակ և մոտ երեք կիլոգրամ տրոտիլ հզորությամբ ինքնաշեն ռումբ:
Անվտանգության դաշնային ծառայության՝ Սարատովի մարզի հարցերով հետաքննությունների դաշնային բյուրոն քրեական գործ է հարուցել ահաբեկչական գործողության նախապատրաստման մասին: Քննչական գործողությունները և օպերատիվ-հետախուզական միջոցառումները շարունակվում են:
