Մեծ Բրիտանիան 23 ռուս դիվանագետի կարտաքսի երկրից

© Sputnik / Алекс Макнотон / Անցնել ֆոտոբանկТереза Мэй
Тереза Мэй - Sputnik Արմենիա
Բաժանորդագրվեք
«Սկրիպալի գործի» պատճառով Մեծ Բրիտանիան 23 ռուս դիվանագետի կվտարի երկրից։ Այս մասին հայտարարել է վարչապետ Թերեզա Մեյը։

ԵՐԵՎԱՆ, 14 մարտի — Sputnik. Հետախուզական գլխավոր վարչության (ՀԳՎ) նախկին գնդապետ Սերգեյ Սկրիպալի և նրա դստեր նկատմամբ իրականացված մահափորձին ի պատասխան Մեծ Բրիտանիան 23 ռուս դիվանագետի կարտաքսի երկրից։ Այս մասին հայտարարել է Միացյալ Թագավորության վարչապետ Թերեզա Մեյը։

Конференция RT Информация, политика, СМИ: формирование нового миропорядка - Sputnik Արմենիա
HighlyLiklyRussia–ն համարժեք պատասխան կտա. Սիմոնյանը` RT–ի աշխատանքը սահմանափակելու մասին

Մեծ Բրիտանիայի վարչապետը ելույթ է ունեցել խորհրդարանում և ասել, որ դիվանագետների արտաքսումը «երկար տարիներով կխափանի ռուսական հետախուզության գործունեությունը Մեծ Բրիտանիայում»։

Բրիտանիան կդադարեցնի երկկողմանի շփումը Ռուսաստանի հետ, իսկ բարձրաստիճան պաշտոնյաներն ու թագավորական ընտանիքի անդամները չեն մեկնի Ռուսաստան` ֆուտբոլի աշխարհի առաջնությանը ներկա լինելու։ Բրիտանիան նաև հետ է կանչել Ռուսաստանի արտգործնախարար Սերգեյ Լավրովի` Մեծ Բրիտանիա այցելելու հրավերը:

Ավելի վաղ Մեծ Բրիտանիան կոչ էր արել ՄԱԿ-ի անվտանգության խորհրդի արտակարգ ժողով գումարել։ Սկրիպալը և նրա դուստրը մարտի 4-ին անգլիական Սոլսբերի քաղաքի առևտրի կենտրոններից մեկում թունավորվել են նյարդապարալիտիկ գազով։ Անվտանգության խորհրդի նիստը տեղի կունենա այսօր Մոսկվայի ժամանակով 22.00-ին (Երևանի ժամանակով` 23։00-ին)։

Մեծ Բրիտանիայի վարչապետ Թերեզա Մեյը մարտի 12-ին հայտնել էր, որ Սերգեյ Սկրիպալի ու նրա դստեր թունավորման գործում «մեծ հավանականությամբ» կապ ունի Ռուսաստանը։ Մեյը Ռուսաստանին բացատրություններ ներկայանալու համար ժամկետ է տվել` մինչև երեքշաբթի երեկո, հակառակ դեպքում ՌԴ-ի նկատմամբ նախկինից «ավելի լուրջ միջոցներ» կկիրառի։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала