ԵՐԵՎԱՆ, 26 մարտի — Sputnik. ՀՀ ԱԳՆ մամուլի խոսնակ Տիգրան Բալայանն իր twitter-յան էջում անդրադարձել է երեկ ՌԴ Կեմերովո քաղաքի առևտրի կենտրոնում տեղի ունեցած հրդեհին։
«Ռուսաստանի Կեմերովո քաղաքի «Զիմնյայա Վիշնյա» առևտրի կենտրոնում տեղի ունեցած հրդեհի հետևանքով տուժածների շրջանում հայեր չկան»,- գրել է Բալայանը` վկայակոչելով ՌԴ արտակարգ իրավիճակների նախարարության նախնական տվյալները, որոնք հրապարակված են նախարարության պաշտոնական կայքում։
ՌԴ ԱԻՆ՝ @MchsRussia-ի @armembrus-ին հայտնած նախնական պաշտոնական տվյալներով Կեմերովոյում տուժածների շրջանում հայեր չկան։ https://t.co/u293q8YQ0M
— Tigran Balayan (@tbalayan) 26 марта 2018 г.
Ավելի վաղ ԱԳՆ-ից Sputnik Արմենիային հայտնել էին, որ նախարարությունը ճշտում է հայերի ու հայաստանցիների մասին տվյալները։
Հիշեցնենք, որ Կեմերովոյի «Զիմնյայա Վիշնյա» առևտրի կենտրոնում երեկ բռնկած հրդեհի պատճառով անհետ կորած տասնյակ մարդիկ կան, այդ թվում` երեխաներ։ Վերջին տվյալներով` մահացածների թիվը հասնում է 64-ի, որից 9-ը երեխաներ են։
