ԵՐԵՎԱՆ, 3 ապրիլի — Sputnik. Ապրիլի 2-ին, ավազակային հարձակում է տեղի ունեցել Երևանում:
Ժամը 22:00-ի սահմաններում դիմակավորված հանցագործը զենքի նմանվող առարկայով զինված ներս է մտել Ավան վարչական շրջանի Խուդյակով փողոցում գտնվող «Ֆասթ Կրեդիտ» վարկային կազմակերպություն և այնտեղից հափշտակել 6մլն 300 հազար դրամի գումար: Այս մասին տեղեկացնում է Shashyan.com-ը:
Փաստի առթիվ քննչական բաժնում հարուցվել է քրեական գործ՝ ավազակային հարձակում հատկանիշներով: Ձեռնարկվում են անհրաժեշտ օպերատիվ —հետախուզական գործողություններ՝ հանցագործությունը բացահայտելու և կատարողին հայտնաբերելու ուղղությամբ:
