ԵՐԵՎԱՆ, 5 ապրիլի — Sputnik. Ռուս հաղորդավարուհի Օլգա Բուզովան փորձում է գտնել իր տղամարդուն ՏՆՏ ալիքով հեռարձակվող նոր շոուում, որը կկոչվի «Ամուսնանալ Բուզովայի հետ»։ Հեռուստալիքը հինգշաբթի համապատասխան հաղորդագրություն է տարածել։
Բուզովայի սիրտը նվաճելու համար թեկնածուները պետք է քասթինգ անցնեն։ Կարող են մասնակցել 18-40 տարեկան չամուսնացած տղամարդիկ։ Հայտնի է, որ շոուի նկարահանումները կսկսվեն առաջիկայում Եվրոպայում։
Միաժամանակ մասնակիցները չեն կարող շփվել հեռուստաաստղի հետ, նման պատվի կարժանանա միայն շոուի հաղթողը։
Ինչպես խոստովանել է Օլգա Բուզովան, նա արդեն մեկ տարի է` միայնակ է և ժամանակ չունի անձնական կյանքով զբաղվելու համար։ Բացի այդ, հեռուստաաստղը հարկ է համարել հաղորդել, որ նա ռոբոտ չէ։
«Ինձ պետք է առանց մանկական տակդիրի տղամարդ», — հայտարարել է նա։
Նախագծին կարելի է մասնակցել հարցաթերթիկը լրացնելուց հետո, որը տեղադրված է հեռուստաալիքի պաշտոնական կայքում։
