ԵՐԵՎԱՆ, 10 ապրիլի — Sputnik. Այսօր` ապրիլի 10-ին, Հայաստանում տեղումներ չեն կանխատեսվում, իսկ ապրիլի 11-14-ը երեկոյան ժամերին շրջանների զգալի մասում սպասվում է կարճատև անձրև և ամպրոպ: Այս մասին հայտնում է «Հիդրոմետ» ծառայությունը։
Քամին կլինի հարավարևմտյան՝ 3-8 մ/վ արագության:
«Օդի ջերմաստիճանն ապրիլի 11-ին Լոռիում, Տավուշում, Սյունիքում և Արցախում կբարձրանա 5-6 աստիճանով, մնացած շրջաններում էապես չի փոխվի»,- նշված է հաղորդագրության մեջ:
Երևանում նույնպես ապրիլի 10-ին տեղումներ չեն լինի, իսկ 11-14-ը երեկոյան ժամերին հնարավոր է կարճատև անձրև, որը կուղեկցվի ամպրոպով։
Այսօր` ապրիլի 10-ին, մայրաքաղաքում ցերեկային ժամերին օդի ջերմաստիճանը կկազմի 24-26, գիշերային ժամերին` 10-12 աստիճան տաքություն:
