Գլամուրային Քարդաշյանի ոչ գլամուրային պապական տունը Գյումրիում. ո՞վ է ապրում այնտեղ

© Sputnik / Armenuhi MkhoyanСестры Кардашьян в фамильном доме в Гюмри в 2015 г.
Сестры Кардашьян в фамильном доме в Гюмри в 2015 г. - Sputnik Արմենիա
Հանրահայտ Քարդաշյանների նախնիների` Գյումրիում գտնվող տան շուրջ մոլախոտ է աճում, խամրած դարպասն էլ բացող չկա։

Արմենուհի Մխոյան, Sputnik.

Երեք տարի առաջ, երբ ռեալիթի շոուի աստղ Քիմ Քարդաշյանը եկավ Հայաստան ու մեկնեց Գյումրի, պարզվեց, որ հենց այնտեղ է գտնվում հանրահայտ հեռուստաաստղի նախնիների տունը, որի դուռն այսօր անիմաստ է թակել. բացող չկա։

Գյումրու Մյասնիկյան 143 հասցեում գտնվող տունը Քարդաշյանի այցից առաջ էլ էր փակ, հարևաններն ասում էին, որ տունը գնել են երիտասարդ ամուսինները, բայց այնտեղ չեն ապրում։

© Sputnik / Armenuhi MkhoyanՔարդաշյանների պապական տունը
Фамильный дом Кардашьян в Гюмри - Sputnik Արմենիա
Քարդաշյանների պապական տունը

Քարդաշյանների այցից 3 տարի է անցել, բայց այս ընթացքում այդ տանը ոչ ոք չի հայտնվել։

«Ես արդեն 30 տարի է` հարևանությամբ եմ ապրում։ Այս տանը մարդ չի ապրում, բայց մինչև Քարդաշյանի գալը պատուհանին փակցված էր՝ «վաճառվում է»։ Եկավ-գնաց, այդ հայտարարությունը հանեցին, ու հիմա ո՛չ եկող կա ո՛չ գնացող»,- նշեց հարևանությամբ ապրող վարպետ Լեռնիկը:

Տան խամրած դարպասի մոտ աճած մոլախոտներն ու բուսականությունը վկայում են՝ դարպասները շատ երկար ժամանակ չեն բացվել:

Հիշեցնենք, որ Հայոց ցեղասպանության 100-րդ տարելիցի կապակցությամբ 2015 թվականի ապրիլի 11-ին ամերիկահայ մոդել, դերասանուհի և «Քարդաշյանների ընտանիքը» (Keeping Up with the Kardashians) ռեալիթի շոուի հեղինակ Քիմ Քարդաշյանն ամուսնու՝ հայտնի ռեփեր Քանյե Ուեսթի, դստեր և քրոջ՝ Քլոեի հետ ապրիլի 11-ին այցելեցին Գյումրի:

Ким Кардашьян с сестрой Хлои Кардашьян в Гюмри выходят из гостиницы - Sputnik Արմենիա
Գյումրի այցելողներից շատերն են ցանկանում գեթ մեկ օր գիշերել Քիմ Քարդաշյանի սենյակում

Գյումրիում առաջին կանգառը «Նանե» հյուրանոցն էր, որտեղից նրանք ամուսնու, դստեր և քրոջ հետ մեկնեցին Գյումրու Սուրբ Աստվածածին կամ «Յոթ Վերք» եկեղեցի: Հետո Քարդաշյանը մեկնեց այն տուն, որը, ինչպես պարզվել էր Ազգային արխիվից, եղել է Քադաշյանների պապական տունը: Այդ տանը որոշ ժամանակ մնալուց և նկարահանումներ կատարելուց հետո Քարդաշյանները մեկնեցին:

Ի դեպ, Գյումրիում բնակվող Քարտաշյաները Քիմի` Գյումրի կատարած այցի ժամանակ պնդում էին, որ իրենք հենց Քիմի ազգականներն են՝ Քիմ Քարդաշյանի պապի հորեղբոր թոռները, սակայն Գյումրի կատարած այցի ժամանակ Քիմն այդպես էլ չհաստատեց այդ փաստն ու կապ չպահպանեց գյումրեցի Քարտաշյանների հետ:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала