ԵՐԵՎԱՆ, 15 Ապրիլ — Sputnik. Հռոմում, կյանքի 89–րդ տարում մահացել է իտալացի ականավոր ռեժիսոր Վիտորիո Տավիանին։ Այս մասին իտալական մամուլին տեղեկացրել են ռեժիսորի բարեկամները։
Տավիանիի ընտանիքի անդամների ցանկությամբ` ռեժիսորի վերջին հրաժեշտի և հուղարկավորության արարողությանը կմասնակցեն միայն ընտանիքի անդամները, հարազատներն ու ընկերները:
Վիտորիո Տավիանին իր բոլոր ֆիլմերը նկարահանել է Վիտորիո Տավիանին նկարահանել է իր կրտսեր եղբայր Պաոլո Տավիանիի հետ: Կինեմատոգրաֆիայի ոլորտում նրանք սկսել են աշխատել 1952 թվականից՝ մասնակցելով «Մրցակցություն» ֆիլմի նկարահանումներին:
2007 թվականին Վիտորիո և Պաոլո Տավիանիները նկարահանել են Հայոց ցեղասպանության մասին պատմող «Արտույտների ագարակը» ֆիլմը: ՀՀ նախագահի հրամանագրով 2007 թ.–ին նրանց շնորհվել է Հայոց ցեղասպանության ճանաչման գործում նշանակալի ավանդ ներդրած անձանց շնորհվող մրցանակ:
