ԵՐԵՎԱՆ, 18 ապրիլի — Sputnik. ԱՄՆ-ի 41-րդ նախագահ Ջորջ Բուշի կինը մահացել է 92 տարեկանում։ Այս մասին պաշտոնական հաղորդագրություն է հրապարակվել նրանց ընտանիքի ներկայացուցչի թվիթերյան էջում։
«ԱՄՆ նախկին առաջին տիկին Բարբարա Փիրսը մահացավ 2018 թվականի ապրիլի 17-ին»,- նշված է Բուշերի ընտանիքի պաշտոնական ներկայացուցիչ Ջիմ ՄաքԳրատի տարածած հաղորդագրության մեջ։
Statement by the Office of @GeorgeHWBush on the passing of Barbara Pierce Bush this evening at the age of 92. pic.twitter.com/c6JU0xy6Vc
— Jim McGrath (@jgm41) 17 апреля 2018 г.
Նշենք, որ մի քանի օր առաջ CBS News-ն արդեն հայտնել էր Բարբարա Փիրսի մահվան մասին` հրապարակելով տիկնոջ մահախոսականը «չհրապարակել» նշումով, սակայն որոշ ժամանակ անց հոդվածը կայքից հեռացվել էր։
Գործող նախագահ Դոնալդ Թրամփն ու նրա կինը` Մելանյան, Բարբարա Փիրսի մահվան կապակցությամբ ցավական ուղերձ են հրապարակել։
«Միսս Բուշն ամերիկյան ընտանիքի պաշտպանն էր։ Նրա մեծագույն ձեռքբերումներից մեկը գրագիտությունը որպես ընտանեկան հիմնարար արժեք ճանաչելն է։ Երկրի ու ընտանիքի հանդեպ ունեցած նրա հավատարմությունը երկար կհիշեն»,- նշված է Թրամփ ամուսինների հայտարարության մեջ։ Այս մասին հայտնում է ՌԻԱ Նովոստին։
Ցավակցել են նաև Բարաք Օբաման և նրա կինը` Միշելը։
Բարբարա և Ջորջ Բուշերն ունեն հինգ զավակ, 17 թոռ և 7 ծոռ։