ԵՐԵՎԱՆ, 18 ապրիլի — Sputnik. Պարտադիր ժամկետային զինծառայող, կրտսեր սերժանտ Ռուսլան Մանուկյանի մահվան փաստով հարուցվել է քրեական գործ` քրեական օրենսգրքի 376-րդ հոդվածի 2-րդ մասի հատկանիշներով։ Այս մասին հայտնում է Հայաստանի քննչական կոմիտեի ծառայությունը։
Նշված հոդվածը վերաբերում է ծառայության նկատմամբ ծառայության պետի կամ պաշտոնատար անձի անփույթ վերաբերմունքը, որն առաջացրել է ծանր հետևանքներ։
Նախնական տվյալներով՝ 2018 թվականի ապրիլի 17-ին ՊԲ պարտադիր ժամկետային զինծառայող, կրտսեր սերժանտ Ռուսլան Զորիկոյի Մանուկյանը մահացել էր զորամասի պահպանության տեղամասի մարտական դիրքում հակահետևակային ականի պայթյունի հետևանքով։
Մահացած զինվորը Լոռու մարզի Ստեփանավան քաղաքի բնակիչ էր։
