ԵՐԵՎԱՆ, 19 ապրիլի — Sputnik. Լատվիայի խորհրդարանը վավերացրել է Հայաստանի և Եվրոպական Միության միջև «Համապարփակ և ընդլայնված գործընկերության մասին համաձայնագիրը: Այս մասին թվիթերյան իր էջում տեղեկացնում է Լատվիայում, Լիտվայում և Էստոնիայում ՀՀ արտակարգ և լիազոր դեսպան Տիգրան Մկրտչյանը:
«Լատվիան Էստոնիայից հետո ԵՄ անդամ երկրորդ երկիրն է, որ վավերացնում է այս համաձայնագիրը»,- գրել է հայ դիվանագետը` շնորհակալություն հայտնելով Լատվիայի Սեյմայի բոլոր խմբակցություններին, արտաքին գործերի նախարարությանը:
Latvian Saeima @Jekaba11 ratified #Armenia- #EU Comprehensive &Enhanced Partnership Agreement (#CEPA). After #Estonia, #Latvia is the 2nd #EU country 2 ratify this agreement. We are grateful 2 all factions of Saeima, @Latvian_MFA, our friends 4 the support. pic.twitter.com/m6PlWK4rEO
— Tigran Mkrtchyan (@TMkrtchyan) 19 апреля 2018 г.
Հայաստան-ԵՄ համաձայնագիրը ստորագրվել է 2017-ի նոյեմբերի 24-ին Բրյուսելում, Ազգային ժողովն այն վավերացրել է ապրիլի 11-ին:
Այս համաձայնագիրը գալիս է փոխարինելու 1999 թվականից գործող «Գործընկերության եւ համագործակցության մասին» Հայաստանի եւ ԵՄ-ի միջեւ համաձայնագրին, որի ժամկետը սպառվել է 2009-ին եւ անընդհատ երկարացվում էր:
Հայաստան-ԵՄ համապարփակ և ընդլայնված գործընկերության մասին համաձայնագիրը նախատեսում է ընդլայնել համագործակցությունը տնտեսական, իրավական, կրթական, մարդասիրական և այլ ոլորտներում։ Դրա հետ մեկտեղ այն կազմվել է այնպես, որպեսզի չհակասի Հայաստանի եվրասիական ինտեգրման շրջանակներում իրականացվող գործընթացներին։
