ԵՐԵՎԱՆ, 19 ապրիլի — Sputnik. «Նոր ալիք» երգի մրցույթում այս տարի Հայաստանը կներկայացնի Գևորգ Հարությունյանը: Այս մասին երգիչը տեղեկացրել է Facebook սոցիալական ցանցի իր էջում։
«Հայաստանը «Նոր ալիքում» կներկայացնեմ ես»,- գրել է նա:
«Նոր ալիք» երգի մրցույթն այս տարի կանցկացվի սեպտեմբերի 4-9-ը Սոչիում:
Գևորգ Հարությունյանը մասնակցել է երաժշտական մի շարք նախագծերի, երկու անգամ էլ` «Դեպի Եվրատեսիլին»:
Նշենք, որ «Նոր ալիք 2017» մրցույթում հայերը պարզապես փայլել էին։ Հայաստանի մասնակիցներ Էռնա Միրը (Միրզոյան) և Սյուզաննա Մելքոնյանը Սոչիում անցկացված միջազգային մրցույթում զբաղեցրել էին առաջին և երկրորդ տեղերը։
