Փաշինյանը պատրաստ է հանդիպել Սարգսյանին. նա հայտնեց հանդիպման վայրը

© Sputnik / Asatur Yesayants / Акция протеста оппозиции в округе Нор Норк (21 апреля 2018). Ереван
Акция протеста оппозиции в округе Нор Норк (21 апреля 2018). Ереван - Sputnik Արմենիա
Բաժանորդագրվեք
НовостиTelegram
«Իմ քայլը» նախաձեռնության առաջնորդ Նիկոլ Փաշինյանն ընդունեց ՀՀ նախագահի հետ հանդիպելու առաջարկը։

ԵՐԵՎԱՆ, 21 ապրիլի — Sputnik. «Ելք» խմբակցության ղեկավար Նիկոլ Փաշինյանը լրագրողների հետ զրույցում անդրադարձավ ՀՀ նախագահ Սերժ Սարգսյանի հայտարարությանն այն մասին, որ ստեղծված իրավիճակից ելք գտնելու համար պատրաստ է հանդիպել Նիկոլ Փաշինյանի հետ։

Ситуация на перекрестке проспекта Саят Нова и улицы Абовяна (21 апреля 2018). Ереван - Sputnik Արմենիա
Անհնազանդ Երևանը կամ քաղաքացիական անհնազանդության 6-րդ օրը լուսանկարներով

«Ժամը 19:00-ին սպասում եմ նրան Հանրապետության հրապարակում։ Ժողովրդի ներկայությամբ ես նրան կընդունեմ, և մենք կխոսենք»,- ասաց Փաշինյանը։

Քիչ առաջ ՀՀ նախագահ Արմեն Սարգսյանը հայտարարեց, որ մտահոգված է ստեղծված իրավիճակով։ Նա երկխոսության կոչ արեց և ԱԺ պատգամավոր Նիկոլ Փաշինյանի հետ հանդիպելու պատրաստակամություն հայտնեց։

Ապրիլի 17-ին Ազգային ժողովում անցկացված քվեարկության ժամանակ ՀՀ վարչապետ ընտրվեց Սերժ Սարգսյանը։ «Ելք» խմբակցության ղեկավար Նիկոլ Փաշինյանն ու նրա կողմնակիցները դուրս են եկել Երևանի փողոցներ և բողոքում են այս ընտրության դեմ։

Փաշինյանը մարտի 31-ից Հայաստանի տարածքում նախաձեռնել է «Իմ քայլը» արշավը։ Մի քանի օրում Փաշինյանն իր համախոհների հետ ոտքով անցել է ավելի քան 200 կիլոմետր` ակցիաներ անցկացնելով Գյումրիում, Վանաձորում, Սպիտակում, Դիլիջանում, Աբովյանում և Հրազդանում։ Պատգամավորն ու նրա համախոհները բողոքում էին վարչապետի պաշտոնում Սերժ Սարգսյանի թեկնածության առաջադրման դեմ, սակայն նրանց բողոքը չխանգարեց, որ Ազգային ժողովը վարչապետ ընտրի հենց Սարգսյանին։ Երևանում քաղաքացիական անհնազանդության գործողությունները մեկնարկել են ապրիլի 16-ից։ Փաշինյանը հայտարարել է, որ թավշյա հեղափոխություն է իրականացնում։

Լրահոս
0