ԵՐԵՎԱՆ, 22 ապրիլի — Sputnik. Հանրահավաքների ընթացքում տուժածների մի մասը բժշկական անհրաժեշտ օգնություն ստանալուց հետո դուրս է գրվել։
Այս մասին տեղեկացնում է ՀՀ առողջապահության նախարարությունը։
Ապրիլի 22-ին, ժամը 19։00-ի դրությամբ «Հերացի» թիվ 1 հիվանդանոցային համալիրում, «Սուրբ Գրիգոր Լուսավորիչ» և «Էրեբունի» բժշկական կենտրոններում բուժում է ստանում 4 տուժած, որից 1–ն է ընդունվել այսօր։
Բոլոր տուժածներն անցել են անհրաժեշտ հետազոտություններ և ստանում են համապատասխան բուժում։ Երկուսի առողջական վիճակը բժիշկները գնահատում են բավարար, մյուս 2-ինը՝ միջին ծանրության:
Հիշեցնենք, որ ապրիլի 22-ին, ժամը 14։00-ի դրությամբ Երևանի հիվանդանոցներում բուժվում էր հանրահավաքների ընթացքում տուժած 10 քաղաքացի, որից 7-ն ընդունվել է այսօր։
