ԵՐԵՎԱՆ, 22 ապրիլի — Sputnik. Ընդդիմադիր «Ելք» խմբակցության անդամներ Մանե Թանդիլյանը և Գևորգ Գորգիսյանը եկել են ոստիկանության Շենգավիթի բաժին, որտեղ գտնվում են ապրիլի 22–ի առավոտյան բերման ենթարկված ընդդիմադիր պատգամավորներ Արարատ Միրզոյանը և Սասուն Միքայելյանը։
Sputnik Արմենիայի հետ զրույցում Թանդիլյանը և Գորգիսյանը հաղորդեցին, որ փորձում են մտնել բաժանմունքի շենք և զրուցել դաշինքի գործընկերների հետ։
«Մեր տեղեկությունների համաձայն` այնտեղ են գտնվում Արարատ Միրզոյանը և Սասուն Միքայելյանը։ Փաշինյանի գտնվելու վայրը հայտնի չէ մեզ», – նշեցին նրանք։