ԵՐԵՎԱՆ, 23 ապրիլի — Sputnik. Դու հաղթեցի՛ր Հայաստանի Հանրապետության Հպարտ քաղաքացի: Իր ֆեյսբուքյան էջում նման ուղերձով ՀՀ քաղաքացիներին է դիմել «Իմ քայլը» նախաձեռնության առաջնորդ Նիկոլ Փաշինյանը։
«Այս հաղթանակը քո ձեռքից ոչ ոք չի կարող խլել: Շնորհավորում եմ, հաղթակա՛ն ժողովուրդ»,– գրել է Փաշինյանը։
Ընդդիմությունն իր հետագա անելիքների մասին առայժմ հայտարարություն չի արել։ Սպասվում է, որ այն կհնչի այսօր, 18։30-ին նախանշված հանրահավաքում, որը Նիկոլ Փաշինյանը որակել է որպես «արտակարգ հանրահավաք»։
Հիշեցնենք, ընդդեմ Սերժ Սարգսյանի վարչապետության շարժման արդյունքում այսօր` ապրիլի 23–ին, Սերժ Սարգսյանը հրաժարական է ներկայացրել։